Policia e Vlorës ka goditur një rast të shitjes së drogave të forta dhe ka vënë në pranga një 30-vjeçar. Sipas njoftimit të Policisë, gjatë kontrollit në banesë, u gjetën dhe u sekuestruan doza kokaine dhe municion luftarak.
Njoftimi i Policisë Vlorë
DVP Vlorë/Si rezultat i kontrolleve të vazhdueshme, bazuar në inteligjencën policore, goditet një rast i shitjes së drogave të forta, në doza.
Arrestohet në flagrancë autori i rastit, të cilit iu gjetën në banesë, doza kokaine dhe municion luftarak.
Seksioni për Hetimin e Narkotikëve, në kuadër të veprimeve operacionale për evidentimin dhe goditjen e veprimtarive kriminale në fushën e narkotikëve, pas administrimit të menjëhershëm të informacioneve të siguruara nga inteligjenca policore se një shtetas posedonte lëndë narkotike kokainë, me qëllim shitjen, ushtruan kontroll në banesën e tij.
Gjatë kontrollit në banesë, u gjetën dhe u sekuestruan doza kokaine dhe municion luftarak.
Në përfundim të veprimeve, u arrestua në flagrancë shtetasi B. T., 30 vjeç, banues në Vlorë.
Materialet procedurale i kaluan Prokurorisë pranë Gjykatës së Shkallës së Parë Vlorë, për veprime të mëtejshme.
