Policia e Krujës ka arrestuar një 26-vjeçar, pasi i gjetën 1890 fara narkotike dhe pajisje për kultivimin e kanabisit.
Mësohet se ngjarja ndodhi në vendin e quajtur “Rruga e Burrelit”, ku policia pasi ndaloi automjetin e 26-vjeçarit, i gjeti në kofanon e makinës farat narkotike, të cilat dyshohet se do përdoreshin me qëllim kultivimi.
“Në vijim të punës për parandalimin, evidentimin dhe goditjen e veprimtarisë kriminale në fushën e kultivimit të lëndëve narkotike, shërbimet e Komisariatit të Policisë Krujë, pas një pune të mirëfilltë hetimore dhe kontrolleve të vazhdueshme të territorit, organizuan dhe finalizuan operacionin policor të koduar “Ndërprerja”.
Si rezultat i të cilit u arrestua shtetasi F. K., 26 vieç, banues në Krujë.
Në vendin e quajtur “Rruga e Burrelit” shërbimet e Policisë kanë bërë ndalimin e automjetit me drejtues shtetasin F. K, dhe gjatë kontrollit të automjetit, në kofanon e automjetit i gjetën dhe sekuestruan 1890 fara narkotike, të cilat dyshohet se do përdoreshin me qëllim kultivimi.
Më tej, gjatë kontrollit të banesës, shërbimet e Policisë kanë gjetur e sekuestruar paisje për kultivim të lëndëve narkotike”, njofton policia.
Materialet procedurale i kaluan Prokurorisë, për veprime të mëtejshme./Opinion.al
