Një gomone me 1 ton kanabis sativa dhe tre skafistë janë kapur në brigjet italiane.
Krejt ndryshe nga herët e tjera, mësohet se trafikantët kanë lundruar në mes të ditës, duke dashur që të përzihen me mjetet lundruese.
Guardia di Finanza ka pikasur gomonen e fuqishme që po udhëtonte drejt brigjeve italiane.
Më pas, motovedetat kanë arritur të bllokojnë gomonen; duke gjetur brenda saj 49 pako me kanabis me peshë 1 ton.
Ndërkaq, në pranga ranë tre skafistë M. A., 34 vjeç, A. E., 30 vjeç nga Vlora dhe G. M., 65 vjeç nga La Spezia.
