Italia vijon të përballet me vatra zjarri në disa rajone të vendit, të cilat kanë shkrumbuar sipërfaqe të mëdha pyjore.
Ditën e sotme zjarri ka përfshirë rezervatin natyror Monte Catillo pranë Romës. Ekipet e zjarrfikësve arritën të vinin nënkontroll flakët të cilat fillimisht u regjistruan në periferi të Tivolit, rreth 30 kilometra në lindje të Romës, shumë pranë banesave.
Shkaqet e zjarri ende nuk dihen, ndërkohë policia ka ngritur një hetim mbi ngjarjen. Flakët iu afruan qytetit, duke detyruar të evakuohen dhjetëra banore qe jetonin në këtë zone.
Shtatë ekipe zjarrfikësish janë vendosur për të shuar zjarret, me mbështetjen e një avioni dhe dy helikopterëve.
Rezervati Natyror Monte Catillo mbulon rreth 1,320 hektarë në malet e Tivolit, një qytet pranë Romës ku ndodhet Villa d’Este, një vilë e shekullit të 16 -të që është simbol i Rilindjes Italiane të listuara si një sit i Trashëgimisë Botërore të UNESCO –s.
