Teksa mijëra tifozë ditën e djeshme në Itali i kanë dhënë lamtumirën e fundit legjendës së futbollit italian, Paolo Rossit, disa persona kanë grabitur banesën e tij.
Mediat e huaja bëjnë me dije se ceremonia mortore në nder të Rossit është bërë në qytetin juglindor të Vincenza gjatë ditës së djeshme, dhe kjo gjë është shfrytëzuar nga hajdutët.
Pas ceremonisë kur gruaja e tij ishte kthyer në banesë kishte gjetur gjithçka rrëmujë dhe ka denoncuar ngjarjen në polici.
Ndër sendet që ishin vjedhur nga shtëpia e Rossit, ishin një orë dhe disa para. Bashkëshortja e tij njoftoi menjëherë në polici dhe autoritetet po vijojnë hetimet për të gjetur personat përgjegjës.
Legjenda e futbollit italian, Paolo Rossi ndërroi jetë në moshën 64-vjeçare të enjten. Ai vuante nga kanceri në mushkëri dhe ky dyshohet të jetë shkaku kryesor që i mori jetën kampionit të botës.
Rossi ka qenë një nga lojtarët më të mirë të viteve 80’ dhe në atë kohë kombëtarja e Italisë arriti sukese të mëdha. Ai ishte golashënuesi më i mirë dhe lojtari më i mirë i turneut 1982, në Spanjë./ Opinion.al
