Nuk ështe hera e parë që mediat italiane përmendin shqiptarët si rekrutues të luftëtarëve të ISIS. Sot është gazeta Il Tempo që shkruan për këtë rrezik që sipas saj i kanoset Italisë nga vendet e Ballkanit dhe sidomos nga Shqipëria. Sipas kësaj gazete, ISIS po merr rekrutë të rinj duke shfrytëzuar komunitetin shqiptar në Itali.
“Shteti islam punon me shqiptarët, maqedonasit, kosovarët, serbët dhe malazezët që jetojnë në vendin tonë, për të gjetur rekrutuesit e rinj të cilët mund të indoktrinojnë xhihadistët që aspirojnë për t’u dërguar në Siri”, shkruan Il Tempo. Ndër kërkesat kryesore të ISIS për rekrutuesit është njohja e shkëlqyer e gjuhës, si dhe të kenë një kohë të gjatë që jetojnë në Itali. Prova e se sa e rrezikshme është lidhja mes Italisë dhe rrugës ballkanike të xhihadizmit vjen nga numri i lartë i personave që luftojnë për ISIS dhe që janë pikërisht nga vendet e Ballkanit. “875 persona i janë bashkuar ISIS vetëm në 2015” shkruan Il Tempo. /Opinion.al
