Italia do të prezantojë një sërë masash në vlerë prej 3,6 miliardë dollarësh, për të ndihmuar ekonominë e vendit që të përballet me krizën e koronavirusit.
Lajmi u bë i ditur sot nga ministri italian i Ekonomisë, Roberto Gualtieri i cili shprehu bindjen se Bashkimi Evropian do të miratojë rritjen e nevojshme të deficitit zyrtar të Italisë.
Në një intervistë dhënë për gazetën La Repubblica, Gualtieri shtoi se ministrat e eurogrupit do të diskutojnë për këtë çështje gjatë javës së ardhshme.
Italia është vatra e tretë e virusit në botë dhe njëherësh shteti më i prekur në Evropë. Koronavirusi, që fillimisht u shfaq në muajin dhjetor të vitit 2019 në Kinë, deri më tani, në nivel botëror, ka shënuar afro 3,000 persona viktima dhe 86,000 të infektuar./Opinion.al
