Një shqiptar ka përfunduar në prangat e policisë italiane pasi kishte hyrë në shtëpinë e fqinjit të moshuar për të grabitur.
Ngjarja ka ndodhur në Seveso, më 27 dhjetor. Sipas mediave, ka qenë fqinji i tyre i përbashkët, një rumun që ka ndaluar grabitjen dhe ka dorëzuar shqiptarin në duart e policisë italiane.
Ky i fundit mesa duket ka përfituar nga mungesa e 77vjeçarit pensionist që kishte shkuar tek të afërmit e tij për vizitë, dhe ka hyrë në shtëpi, jo shumë vonë, por në orën 18:30 të pasdites.
Rumuni, i cili e dinte se në banesën e fqinjit të moshuar nuk kishte njeri, pasi kishte dëgjuar zhurmat, ka hyrë në banesën e pensionistit dhe është përballur me shqiptarin, i cili nuk kishte folur asnjë fjalë kur rumuni e kishte pyetur se çfarë kërkonte aty.
25vjeçari shqiptar në dorë kishte bizhuteri ari, një orë dhe sende të tjera. Ai është përleshur me rumunin dhe u përpoq në çdo mënyrë për të shpëtuar.
Por rumuni ka arritur ta bllokojë dhe pas ulërimave kishin tërhequr vëmendjen e banorëve të tjerë në ndërtesë, të cilët kishin lajmëruar policinë.
Tani shqiptari akuzohet për grabitje dhe dhunë. (Panorama.com)
