Një rrjet trafiku kokaine nga Holanda në Itali që drejtohej nga shqiptarë është shkatërruar nga policia italiane.
Operacioni i koduar “Shqiponja e Zezë” ka sjellë arrestimin e 9 anëtarëve të bandës dhe ndërkohë dy shqiptarë të tjerë janë shpallur në kërkim. Ndër të arrestuarit është edhe kreu i grupit, Lulzim Daiu.
Mediat fqinje bëjnë me dije se deri tani nga hetimi për këtë çështje janë arrestuar në total 17 persona dhe janë sekuestruar rreth 200 kilogramë kokainë dhe armë luftarake.
Droga importohej nga Holanda dhe destinacioni i saj ishin rrugët e Romës. Lulzim Daiu ishte përgjegjës për drejtimin dhe organizimin e transportit të drogës, koordinimin e marrëdhënieve midis furnizuesve të drogës jashtë vendit dhe korrierëve përgjegjës për transportin dhe shpërndarjen në Itali. Ai komunikonte me bashkëpunëtorët me telefona Black Berry (jo të lidhura drejtpërdrejt me ta) përmes mesazheve me nofka të koduara. Kokaina merrej direkt në Roterdam, nga korrierët e besuar.
Kokaina transportohej përmes makinave të modifikuara me vende të posaçme që hapeshin me mënyrë mekanike ose magnetike. Organizata kishte një flotë mjetesh të tilla (14 makina u konfiskuan gjatë aksioneve dhe 7 të tjera u sekuestruan gjatë arrestimit të Daiut). Ato modifikoheshin sipas sasisë së drogës që do të transportohej (furgonë / SUV për udhëtime mes shteteve transportonin 15 – 50 kg) ose për transportin e sasive më të vogla (1/5 kg) për transportin e armëve dhe parave. (Alfa Romeo Giulietta – Nissan Juke – Lancia Delta). Modifikimet rezultonin të bëheshin nga një punëtor në Madrid të Spanjës, i cili paguhej midis 10 dhe 20 mijë euro dhe në disa raste edhe me kokainë.
Për ta bërë të pa identifikueshme nga qentë antidrogë droga paketohej nën një mbulesë kafeje dhe më pas izolohej me një shirit. Pakot kishin një simbol ose mbishkrim (derr, shqiponjë ose S8) ku tregohej cilësia e produktit dhe më pas shitej në sheshin e Romës për midis 28 dhe 35 mijë euro për kilogram në varësi të sasisë apo pagesave.
Ky operacion erdhi si rezultat i dy viteve hetime që i lejuan hetuesve të zbardhnin të gjithë zinxhirin e funksionimit të rrjetit dhe personave që bënin pjesë në të.
Nëntë personat e arrestuar janë Lulzim Daiu, Agim Karameta, Elena Daniela Rosu, Alessandro Romagnoli, Bujar Gipsi, Artan Monari, Deborah Belli. /Opinion.al
