Teksa Italia është epiqendra e koronavirusit në Europë, dhe sistemi shëndetësor është në kolaps total, lajme prekëse dhe në kufijtë e të pabesueshmes vinë nga vendi fqinj.
Kështu, mësohet se pacientëve të cilët lihen që të vdesin për shkak të kushteve të rënda shëndetësore u jepet nga një tabletë që të lidhen me të dashurit e tyre.
Francesca Cortellaro, drejtoreshë e spitalit San Carlo Borromeo, tregon për “The Journal” se sa e dhimbshme është përballja me situatën e këtyre pacientëve, teksa tregon rastin e një gjysheje që donte të fliste me mbesën.
“E shihni dhomën e urgjencës? Pacientët shkojnë vetëm aty. Nuk lejohet t’u afrohen të afërmit. Kur u vjen ora e vdekjes, ata nisin ta kuptojnë. Janë të kthjellët. Nuk futen në narkolepsi. Është sikur po mbyten në ujë, por për një kohë aq të gjatë sa ta kuptojnë se çfarë po ndodh.
I dhamë tabletën dhe ajo u lidh me mbesën në video. U përshëndetën. Ajo vdiq menjëherë pas videofonatës. Kemi një listë të madhe me videofonata lamtumire. Shpresoj të na japin i-Pad-ë që të mos i lëmë të vdesin vetëm.”, përshkruan ajo.
Ndërkaq, kishat në Bergamo, zonën më të prekur, janë kthyer në morgje, ndërsa krematoriumi ku digjen trupat ka nisur të punojë 24 orë në ditë, me urdhër nga bashkia./Opinion.al
