Një aksident i rëndë ka ndodhur gjatë natës në Portogruaro të provincës së Venecias në Itali.
Sipas mediave italiane tre të rinj kanë ndërruar jetë si pasojë e aksidentit.
Ndërkaq raportohet se dy prej viktimave janë shqiptarë Egli Gjeci (26 vjeç) e Altin Hoti (22 vjeç), të dy banues në Concordia Sagittaria.
Ata kanë humbur jetën në vend pasi mjeti “BMW Seria 3” me të cilin udhëtonin ka dalë nga rruga dhe ka përfunduar në lumë.
Sipas informacioneve fillestare nga zjarrfikësit, janë nxjerrë nga zjarrfikësit trupat e tre viktimave, dy djemve shqiptarë dhe një vajze italiane rreth të njëzetave.
Dyshohet se në automjet kanë qenë 4 persona, ndaj kërkimet e polumbarëve vijojnë ende./Opinion.al
