Një shqiptar është arrestuar në Itali pasi në shtëpi iu gjetën një sasi droge dhe një armë pa leje.
Sipas Policisë Italiane, shtetasi shqiptar jetonte ileglisht, pas kontrollit në apartamentin e M.D, karabinierët gjetën armën e fshehur në kutinë e ilaçeve, si dhe një sasi droge.
Pistoleta e tipit “44 Magnum” rezultoi se i kishte të fshirë numrat e serisë.
I riu u arrestua dhe autoritetet po kryejnë hetime nëse është përfshirë në ngjarje kriminale.
Kjo pasi atij, bashkë me armën i është gjetur dhe një kapuç dhe dorashka në apartamentin që ndodhet në Monza, Itali.
Gjithashtu, policia gjeti në banesën e 20-vjeçarit kokainë, substancë për përzierjen e saj, telefona dhe para.
Ndërsa në momentin e mësymjes, në apartamentin e tij ndodhej dhe një vajzë 18-vjeçare me shtetësi shqiptare, e cila sipas policisë italiane ushtronte profesionin e prostitutës.
