Mediat italiane kanë raportuar se në Aprilia teksa karabinierët patrullonin kanë arrestuar një shqiptar, i cili u kap në flagrancë, teksa tentonte të grabiste një automjet të parkuar.
Besnik G, 37 vjeçar u arrestua rreth orës 03.30 teksa tentonte të hapte makinën me anë të një kaçavide. Policia italiane tha se shqiptari ka bërë rezistencë gjatë arrestimit, duke u përleshur me karabinierët.
Besnik G. është shoqëruar drejt burgut të Latinës, në dispozicion të autoriteteve gjyqësore, siç bëjnë me dije mediat italiane.
