Një aksident i rëndë ka ndodhur në Itali, mbrëmjen e djeshme ku ka humbur jetën një 17-vjeçar shqiptar.
Sipas mediave italiane, Alen Karaboja me origjinë shqiptare, por i lindur në Valcamonica ndërroi jetë pasi u përplas me një mur në Bienno, të Valcamonica, teksa drejtonte motoçikletën.
Në të njëjtën motoçikletë me të si pasagjer, ishte edhe një shok i tij një vit më i vogël, me origjinë marokene, i cili mbeti i plagosur.
Vdekja e adoleshentit shqiptar ka hidhëruar të gjithë komunitetin lokal në Itali.
Në vendin e aksidentit, të afërm dhe miq vendosën lule dhe një pankartë ku shkruhej “Alen do të mbetesh gjithmonë në zemrat tona”.
Sipas hetimeve të kryera nga policia, shqiptari kishte qenë në një festë ditëlindjeje me miqtë e tij, para se të ndodhte aksidenti.
Ai u transportua me ambulancë ajrore në spitalin Civil në Brescia, por nuk ia doli që të mbijetojë.
