Tre meshkuj dhe një femër janë përfshirë në një sherr në rrugë për motive të dobëta. Edhe pas sherrit kur policia qetësoi gjakrat, ngjarja ende nuk është sqaruar plotësisht pasi katër të ndaluarit refuzojnë të bashkëpunojnë me karabinierët.
Por, ka qenë vajza ajo e cila ka rrëfyer për policinë motivin e vërtetë të ngjarjes. Babai i saj ishte takuar në një lokal me të dashurin e saj. Pas kafes, ata kanë nisur të debatojnë në rrugë për shkak se babai i vajzës kundërshtonte fejesën e dy të rinjve.
Historia e romancës mes dy të rinjve shqiptarë që jetojnë në Perugia të Italisë nuk kishte miratimin e familjeve të tyre. Pavarësisht se, babai ka qëlluar vajzën, ajo sërish i ka bërë të ditur se nuk do të hiqte dorë nga i dashuri.
Pas kësaj, babai i saj i ka telefonuar të dashurit të vajzës duke lënë takim në një lokal bashkë me bashkëshorten e tij, ndërsa pretendi për “dhëndër” shoqërohej nga vëllai i tij.
Edhe pse qëllimi ishte për t’u sqaruar debati ka degjeneruar në dhunë fizike. Babai i vajzës ka qëlluar me grusht në fytyrë djalin dhe pas kësaj ka nisur përleshja.
Fundi i historisë është se të gjithë do të akuzohen për rrahje, ndërsa djali që sakrifikoi për dashurinë, do t’i duhet të largohet nga Italia brenda pak ditësh pasi rezultoi se nuk kishte leje qëndrimi në Itali.
