“Militantë islamikë mund të kenë hyrë në Shtetet e Bashkuara me pasaporta të printuara nga Shteti Islamik”. Alarmi jepet nga gjigandi mediatik amerikan ABC NEWS. Duke iu referuar një raporti prej 17 faqesh të Shërbimeve Sekrete për Sigurinë e Brendshme zbulohet se “prej verës së kaluar, kur ISIS mori nën kontroll Deri Al Zurin, aty ekzistonte një zyrë me kuti të mbushura me pasaporta të paplotësuara dhe një makinë printimi.
Një zyrë tjetër e pasaportave, – duke iu referuar raportit- ndodhet në Raka, Siri, që konsiderohet si kryeqyteti defacto i Shtetit Islamik.
Raporti nënvizon se burimi i parë i këtij informacioni është klasifikuar në kategorinë e dytë të besimit, cka do të thotë se, se informacioni pranohet “si e besueshëm”, por jo në shkallën me e larta e sigurisë.
Shefi i FBI-se Xhejms Komi, në dëshminë e tij të mërkurën përpara ligjvënesve amerikane- shprehu- për herë të parë shqetësimin- se “Shteti Islamik ka aftësinë të prodhojë pasaporta false dhe ky është rrezik në cdo drejtim”.
Sipas burimit që përmendet në raport “Siria eshte e mbushur me të tilla pasaporta, të cilat mund të blihen për 200 apo 400 dollarë, ndërsa po kaq kushton edhe vulat që do ti vendosen”.
Pasaporta false siriane u zbuluan edhe në Europë dhe ishin përdorur nga dy kamikazet në sulmet terroriste të Parisit, muajin e kaluar.
