Alketa Vejsiu ka qenë një emër i njohur që në vitet 90. Karriera e saj nisi në “Top Albania
Radio”, në moshën 14-vjeçare, ndërsa më pas ajo provoi me muzikën dhe moderimin e disa prej emisioneve të njohura për të rinj. Sot Alketa prezanton emisione shumë të suksesshme në “Tv Klan”, por në vitin 2000 ajo ishte vajza e shkathët që këndonte në stilin e saj, shumë ndryshe nga tani.
“Iconstyle” ka publikuar disa foto të vjetra të moderatores, ku ajo shfaqet me mikrofon në dorë duke kënduar. Ajo mban veshur një xhaketë large, ngjyrë ushtarake dhe një kapele të kthyer mbrapsht. Sigurisht syzet optike ishin një aksesor që e kanë shoqëruar deri vonë Alketën, të cilat nuk mungojnë as në këto foto.
