Është shtyrë marrja në pyetje e kryebashkiakut të Kamzës, Rakip Suli në SPAK.
Mësohet se Suli do paraqitet në Prokurorinë e Posaçme në datën 6 nëntor, ora 11:00. Shkak mësohet se është bërë shkresa që i ka shkuar me vonesë nga ana e policisë.
Marrja në pyetje e tij ishte planifikuar ditën e sotme në ambientet e SPAK, po në orën 11:00.
Suli pritet të japë shpjegime në lidhje me një hetim për shpërblimet e tërmetit.
Në datën 11 shtator është depozituar një kallëzim ndaj kryebashkiakut socialist nga banorët e Kamzës për shkelje dhe për korrupsion.
Ndaj Rakipit Sulit dhe zyrtarëve të tjerë, SPAK po kryen hetimet për disa vepra penale, siç janë “Ushtrim i ndikimit të paligjshëm ndaj personave që ushtrojnë funksione publike”, “Shpërdorimi i detyrës”, “Shkelja e barazisë së pjesëmarrësve në tendera apo ankande publike” dhe “Korrupsioni pasiv i personave që ushtrojnë funksione publike”.
