Një grua në Meksikë përfundoi duke kaluar ditën e saj të dasmës në një qeli, me pranga në duar.
Ajo u arrestua bashkë me dhëndrin pak para fillimit të ceremonisë së tyre të dasmës, për një rast që përfshinte zhvatjen dhe rrëmbimin, ndoshta për llogari të një karteli droge.
Sipas Daily Mail , nusja, e quajtur Nancy N., u arrestua më 22 dhjetor, ditën kur ishte planifikuar të martohej me Clemente N, i njohur edhe me pseudonimin “Raton”.
Prokurorët publikuan video dhe foto ku shfaqet Nancy N. e arrestuar, ndërkohë që ishte veshur me fustan nusërie.
Ndonëse gazeta britanike raporton se dhëndri u dërgua me nusen në repart, media të tjera raportojnë se ai përfundimisht arriti të arratisej.
Gjashtë burra të tjerë u arrestuan atë ditë.
Banda akuzohet për lobim ndaj tregtarëve të shpendëve pranë Mexico City dhe rrëmbim të katër punonjësve të një dyqani shpendësh në Toluca aty pranë . Shumë nga anëtarët e bandës kishin pseudonime dhe prokurorët kanë mundur të përcaktojnë rolin e secilit në rrjetin e zhvatjes.
Të dyshuarit besohet se janë të lidhur me një kartel droge të njohur si La Familia Michoacana, i cili është akuzuar për vrasjen e gjashtë personave me një dron në Meksikën jugore në fillim të janarit. Sipas autoriteteve, ky krim është pjesë e një “lufte” më të gjerë mes bandave rivale për kontrollin e zonës.
