Presidenti rus Vladimir Putin ka folur për herë të parë për rrëzimin e avionit.
Gjatë fjalës së tij iu dërgoi ngushëllimet familjeve të të vdekurve në aksident.
“Së pari dua të shpreh ngushëllimet e mia të sinqerta për familjet e të gjitha viktimave, kjo është gjithmonë një tragjedi”, tha ai.
Në reagimin e tij të para që nga rrëzimi i avionit që vrau Yevgeny Prigozhin, presidenti rus Vladimir Putin tha se themeluesi i Wagner ishte “një njeri me fat të vështirë, por i talentuar”.
“Informacionet paraprake raportojnë se punonjës të Wagner Group ishin gjithashtu në bord,” shtoi Putin gjatë një takimi me kreun e Republikës Popullore të vetëshpallur të Donetsk Denis Pushilin në Kremlin.
“Do të doja të theksoja se këta njerëz kanë dhënë një kontribut të rëndësishëm në kauzën tonë të përbashkët në luftën kundër regjimit neonazist”, tha Putin, duke iu referuar luftës së Rusisë në Ukrainë.
Udhëheqësi rus ka akuzuar vazhdimisht dhe qeverinë ukrainase për neo-nazizëm.
Putin tha gjithashtu se Komiteti Hetues i Rusisë po kryen një hetim lidhur me aksidentin e ndodhur dje./Opinion.al
