Kryeministri Edi Rama ka folur për marrdhëniet shqiptaro-greke në për emisionin “Pamja e Madhe” për televizionin grek MEGA.
Gjatë intervistës, ,Rama tha se Shqipëria është e gatshme për të zgjidhur çështjen e detit por se kjo kërkon që të dyja palët të ulen e punojnë e të mos shpërqendrohen nga gjërat që ndodhin, duke iu referuar ‘ftohjes’ me Athinën pas arrestimit të Fredi Belerit.
Rama: Mendoj se ne vazhdojmë të kemi problemin që jemi fqinj shumë të vjetër, në të njëjtën kohë që jemi fqinj shumë të rinj, rrugët tona ishin krejt të ndara, Greqia kaloi në një diktaturë të tmerrshme fashiste, por e tejkaloi më herët se ne që kaluam në diktaturë komuniste. U shndërrua në një vend ndryshe ndërkohë që ne dolëm si ta them të gjëmtuar nga komunizmi, komunizimi ynë ishte shumë më keq se në vendet e tjera.
Kështu që kjo ribërje bashkë e pjesëzave të historisë dhe kjo jetë e rilindur nuk ka qenë e lehtë jemi fqinj shumë të vjetër dhe fqinj të rinj, në disa raste kemi qenë viktima të kësaj të shkuare dhe më shumë se sa një herë kemi pasur provën që jemi shumë të ngjashëm, jemi kaq shumë ballkanikë, emocionalë, mesdhetarë dhe sërish vazhdojmë të mbetemi peng i historisë sonë, unë ua kam thënë shumë hapur të tjerëve që historia mund të jetë ose një kurth i madh ose një burim i madh për të ecur para, sfida është ta shohësh historinë me sytë e të ardhmes jo të ardhmen me sytë e historisë. Për një farë kohe ishin shumë keq për një çështje që ishte shumë e rëndësishme për palën greke, por për ne ishte një çështje më shumë mes disa çështjesh.
I pyetur nga gazetarja e MEGA, Rama komentoi edhe integrimin në BE, ku theksoi se “Integrimi në BE është një proces shtet ndërtues demokratik, gjatë këtyre viteve Shqipëria ka ndryshuar në shumë mënyra, duhet të bëjmë shumë më tepër. Agresioni rus për fat të keq erdhi në ndihmë duhej Putin që të shihnim se Evropa duhej të zgjohej, kemi një plan për ta përmbyllur të gjithë pjesën teknike, pastaj vjen pjesa politike. Objektivi im është që 2030 të na gjejë së bashku në të njëjtën familje të madhe”.
