Ish-truproja i Sali Berishës, Izet Haxhia do të ekstradohet në Shqipëri. Lajmi është bërë i ditur nga vet Haxhia, i cili ka deklaruar se është njohur sot me vendimin e Gjykatës.
Sipas tij në deklaratën e dhënë për News24, Gjykata e Lartë në Turqi ka lejuar ekstradimin e tij. Izet Haxhia është dënuar nga gjykata shqiptare me 25 vite burg lidhur me vrasjen e ish-deputetit demokrat Azem Hajdari. Tani fjala e fundit i takon Ministrisë turke të Drejtësisë.
“Po është e vërtetë. Sot është marrë vendimi nga gjykata e lartë turke për ekstradimin tim në Shqipëri. Tani si duket pas 12 vjetësh u ra ndërmend për ekstradimin tim. Si duket me përkujdesjen e qeverisë shqiptare e cila pasi arrestoi gjithë peshqit e mëdhenj me erdhi radha edhe mua”, -deklaroi Haxhiaj për News24.
