Roberto Bordin do të jetë trajneri i ri i Elbasanit.
Përmes një njoftimi zyrtar, klubi verdheblu ka njoftuar firmën me teknikun italian, për dy sezone.
Në stolin e Elbasanit, trajneri italian do të pasojë të larguarin Nevil Dede.
“Roberto Bordin zbarkon në Elbasan si trajneri i ri i ekipit tonë. 59 vjeçari italian vjen pas një sezoni pozitiv me U.S. Triestina Calcio në Itali. Bordin është ulur në stolin e trajnerit për ekipe si Sheriff Tiraspol, Neftchi Baku dhe ka drejtuar Kombëtaren Moldave për 1 sezon. Ai ka një eksperiencë si zv.trajner tek Hellas Verona, Sassuolo, Bologna, Siena, Padova dhe CFR Cluj.
Roberto Bordin firmos me ekipin verdheblu për 2 vite. Ai vjen bashkë me Mirko Panico në rolin e video-analistit dhe Andrea Vezzu në pozicionin e përgatitësit fizik”, thuhet në njoftimin e klubit.
59-vjeçari në të kaluarën ka drejtuar skuadra të njohura si Sheriff Tiraspol në Moldavi, Neftchi Baku në Azerbajxhan dhe Triestina në Serinë C italiane./Opinion.al
Gjithashtu Bordin, ka qenë në stolin e kombëtares së parë të Moldavisë për 12 ndeshje.
