Dritan Metaj, ish-shefi i komisariatit të Kurbinit ka bërë rekurs në Gjykatën e Lartë, për vendimin e dhënë nga Apeli i GJKKO.
Ai kërkon zbutjen e masës së sigurisë “arrest me burg” që u la në fuqi nga Apeli i GJKKO-së.
Dritan Metaj, u ndalua në 9 Tetor, gjatë fazës së dytë të operacionit “Flakë në det”. Metaj dyshohet sipas SPAK se ka ndihmuar “baronin e drogës” Gëzim Çela në aktivitetin kriminal të trafikut të drogës dhe mos kapjes nga policia si person në kërkim, shkruan tvklan.
Veprimtaria kriminale është arritur të dokumentohet me prova të pakundërshtueshme nga SPAK, përmes një numri të lartë të celularëve të sekuestruar në operacionin “Flakë në Det” të finalizuar në muajin Gusht.
Në celularët e zbërthyer, mësohet se janë gjetur biseda të shumta të Metajt me Gëzim Çelajn dhe 2 të tjerët të shpallur në kërkim. Takimet me Gëzim Çelën u pranuan nga Metaj gjatë seancën gjyqësore në Gjykatën e Posaçme.
Gëzim Çela u arrestua pak javë më parë në Kosovë dhe pritet ekstradimi i tij në Shqipëri.
