Ish-Sekretari i Përgjithshëm i Ministrisë së Financave Arlind Gjokutaj është marrë zyrtarisht i pandehur. Gjokutaj akuzohet për “shpërdorim detyre”.
Sipas News 24, akuza për mashtrim me pasoja të rënda i është komunikuar nga Prokuroria, Ilir Thanës ndërsa përmbaruesit Alban Rulit i është komunikuar akuzat e shpërdorimit të detyrës dhe kryerje të veprimeve që pengojnë zbulimin e të vërtetës. Pritet ti komunikohet akuza e shpërdorimit të detyrës edhe drejtorit juridik Fatmir Hoxha.
Gjokutaj së bashku me zyrtarët e Ministrisë së Financave dhe përmbaruesi u arrestuan pasi akuzohen se firmosën shkresa për t’i kaluar 1.2 milionë euro shtetasit Ilir Thana, i cili është trajtuar si ish-pronar për privatizimin e një objekti magazinë në vitin 1992, edhe pse nuk e gëzonte titullin. Thana kishte marrë fillimisht një shumë prej 400 mijë eurosh ndërkohë që pjesa tjetër pritej t’i transferohej në muajt në vazhdim./Opinion.al
