Arrestuar tre ditë më parë, ish-prefekti i Fierit, Bujar Hasa është lënë i lirë nga Gjykata e Tiranës.
Hasa u arrestua nga Policia e Tiranës për akuzat e mashtrimit ndaj një qytetari kanadez, por të shtunën gjykata ka vendosur për lirimin e tij.
Mësohet se ai ka lënë një garanci, shumë parash prej 13 milionë lekë.
Ndër të tjera, Gjykata e Tiranës, me vendimin e lirimit nga qelia ka vendosur që ish-prefektit t’i ndalohet dalja jashtë Shqipërisë.
Hasa ka dorëzuar pasaportën dhe kartën e identitetit, ndërsa duhet të paraqitet një herë në javë në policinë gjyqësore.
