Ish-ministri teknik i Brendshëm, Dritan Demiraj deklaroi se policët hezituan për t’iu përgjigjur bandës që i sulmoi në Elbasan, pasi kishin frikë për jetën e tyre.
Demiraj u shpreh se në tregun ushqimor të Elbasanit, ku ndodhi sulmi, ka tunele ku banda ka fshehur armatime të rënda, dhe kjo dihet nga policia.
Demiraj shkoi edhe më tej, duke i krahasuar tunelet që janë bërë në vendqëndrimin e bandës, me ato që përdoren në luftën e Afganistanit.
Sipas Dritan Demirajt, vonesa e policisë për t’u futur brenda në vendqëndrimin e bandës i ka dhënë kohë të largojnë armët dhe të pastrojnë gjurmët. Mendohet se policët qëndruan jashtë tregut ushqimor për gati tre orë.
