Ish-ministri, Naço kundër Ylli Manjanit, ja pse

Ish-­ministri i Drejtësisë, Nasip Naço ka kritikuar pasardhësin e tij, Ylli Manjani për çështjen e Nazime Vishës. “Nuk mund të falej me atë vepër penale për të cilën ishte dënuar”, tha ai i ftuar në “Ditë e Re” në Ora Neës. Naço tha se i ka dërguar presidentit dy kërkesa për Nazime Vishën, por ai sqaroi se nuk mund të amnistohej me atë vepër penale.
“Në rastin e mriatimit të ligjit në Kuvend, unë e kam votuar kundër si deputet sepse shikoja që i kufizoheshin kompetencat presidentit. Nëse i referohemi Kodit Penal kemi parasysh që çdo gjyqtar për shkak të përcaktimeve të bëra në kod mund të ulë masën e të dënuarit dhe Presidenti i ka pasur duart e lira për shkak të ligjit dhe në rastin në fjalë kam bërë dy kërkesa. Në kërkesën e parë i kam kërkuar Presidentit të aplikojë drejtpërdrejt Kushtetutën, sepse po të ishte për ligjin nuk duhej të falej. Presidenti ma ka kthyer kërkesën mbrapsht dhe herën e dytë kërkesa ka qenë në përputhje me ligjin dhe qëndrimi im ka qenë që e dënuara në fjalë nuk duhej të falej për shkak të leximit që i kam
bërë unë ligjit për faljen, dikush tjetër e ka lexuar ndryshe”­ tha ai.