Ish-ministri i Shëndetësisë, Ilir Beqaj, është thirrur sërish në SPAK ditën e sotme.
Mësohet se Beqaj është parë në Prokurorinë e Posaçme nën praninë e avokatit.
Në mesin e muajit nëntor të 2023, ndaj ish-ministrit Gjykata e Posaçme caktoi masën “detyrim paraqitje”, për akuzën shpërdorim detyre, për sa i përket koncensionit për sterilizimin.
Ndërkohë, gjatë ditëve të fundit të vitit që lamë pas, një hetim i regjistruar nga SPAK për dyshimet e korrupsionit dhe abuzimit me tendera, e çoi Byronë Kombëtare të Hetimit të kryejë kontrolle në banesën e ish-ministrit, disa farmaci dhe personave të lidhur me të.
Gjatë kontrollit u njoftua se u morën kompjutera, celularë dhe dokumenta.
