Ish-ministri i Bujqësisë Agron Duka ka folur për rrezikun e tregtimit të qumështit në rrugë, duke thënës e ka ngarkesa të mëdha mikrobike. Kryetari i Partisë Agrare Ambientaliste, cili ka qenë ministër në vitet 2001-2005, ka thënë se që atëherë janë ndërmarrë fushata për ta ndaluar shitjen në rrugë.
“Qumështi i rrugës ka hile, ka ngarkesë mikrobike. Kur kam qenë ministër, i kemi ndaluar në rrugë bashkë me Edi Ramën se ka qenë kryetar bashkie. Bëmë një fushatë dhe arritëm një lloj suksesi. Është shumë i rrezikshëm, ka ngarkesë mikrobesh jashtë standardeve. Qumështi të shkojë në fabrika, të grumbulluesit, vetëm atje kontrollohet. Qumështi duhet të jetë i pasterizuar”, u shpreh ai.
Duka më tej është shprehur se në rast se kanë probleme, produktet shtazore janë shumë më të rrezikshme për organizmin e njeriut se sa produktet bimore. Ai shtoi se gjatë kohës së komunizmit janë përdorur shumë më tepër pesticidet për prodhimet bujqësore.
“E di sa janë përdorur pesticidet në Shqipëri në kohën e komunizmit? Nuk jua merr mendja. Nga lista e preparateve që janë përdorur në Shqipëri, që në kohën time kemi hequr 11 prej tyre që përdoreshin. Tani ka një listë tjetër që kontrollohen”, është shprehur Duka në “Opinion”.
Gjatë diskutimeve për sigurinë ushqimore, Edi Fero, Drejtuesi i Shoqatës së Konsumatorëve ka thënë: “Problemi më i madh është importi i produkteve në 27 vite, është një lob më i fuqishëm, që nga ana financiare është pas atyre të trafikut të drogës. Këtu ka një lob të fuqishëm që bën importin e mishit, apo miellit.”
Gjergj Bojaxhi nga ana tjetër ka drejtuar gishtin te institucionet shtetërore.
“Kemi një dështim të institucioneve. Ne besojmë tek një marrëdhënie personale, se sa ajo që ka certifikuar një institucion. Pra themi në shtëpitë tona do shkoj ta marr aty tek një miku im në fshat”, ka thënë ai./Opinion.al
