Danut Lupu, 49 vjeç, ish-futbollisti i kombëtares rumune, e ka konsideruar të turpshme humbjen ndaj Shqipërisë në “Euro 2016”, duke akuzuar drejtpërdrejt trajnerin Anghel Jordanescu. “Gjëja më shqetësuese është se kam parë lojtarë që nuk mund të vraponin as pesë metra në fushë. Kjo është me të vërtetë tragjike. Ata nuk mundën të përballeshin dot me lojtarët e dobët shqiptarë. Le të jemi të prerë në një pikë: shqiptarët nuk janë më mirë se ne.
Kundërshtarët nuk dinin si të godisnin topin, nuk kishin asnjë ide se si të dilnin në sulm dy ndeshjet e para në Europian. Por, një përcaktim fantastik, i jashtëzakonshëm, që ne nuk e kemi parë, mund të ketë ndodhur. Kam vënë re një lojtar të tyrin, i cili u zhvillua në mënyrë të vazhdueshme për shtatë minuta. E pabesueshme! Ne nuk kemi treguar asgjë,” – tha Danut Lupu për “fanatik.ro”.
Tërbimit të Lupu nuk i ka shpëtuar asnjë, edhe trajneri Anghel Jordanescu: “Rreth tij ka më shumë për të thënë. Çfarë është ajo, që e bën Jordanescun trajner të madh? Çfarë ka bërë gjatë gjithë karrierës së tij? Ai mburret me një moment, kur pati në dispozicion një brez të artë lojtarësh. Por ai nuk ka faj. Jordanescu u pyet dhe ra dakord që të bëhet trajner i kombëtares. Sepse është një tragjedi që ky dështim ishte i mbushur me të holla. Atmosfera e keqe është parë me sy të lirë.”
Së fundi, Danut Lupu ka hedhur në treg edhe një teori të pabesueshme: Rumania e humbi ndeshjen përballë Shqipërisë për shkak të basteve: “Dikush më tha se Rumania humbi për shkak të lojës së basteve. Unë refuzoj të besoj gjëra si këto. Përsëri, kështu më tha edhe një tjetër, se ndeshja ishte luajtur në baste. Sinqerisht, nuk e di çfarë të them. Të tjerë mendojnë se ky ishte problemi. Ideja është se ne nuk ditëm si të luajmë futboll në një ndeshje që vlente shumë. Kjo është më e dhimbshmja.”
