Adriatik Llalla nuk ka marrë pjesë në asnjë prej seancave që janë zhvilluar prej tij në Kolegjin e Posaçëm të Apelimit. Llalla është përfaqësuar nga avokati i tij i cili u shpreh i entuziazmuar dhe e quajti sukses të reformës në drejtësi vendimin e sotëm që e shpëton Adratik Llallën nga vetingu.
Deklarata e avokatit Sokol Hazizaj:
“Ndalimi për të hyrë në organet e drejtësisë deri në 15 vjet, që e kishte nënkuptuar edhe KPK. Me këtë sot, ligji fitoi, e drejta gjithashtu, sot mendoj se reforma në drejtësi ka marrë suksesin e parë. Karakteri universal apo i përgjithshëm i vendimit të KPA, do të jetë si udhërrëfyes, detyrim i vendimeve të tjera që janë në të njëjtin standard fakti dhe prove, nuk lë asnjë dyshim ky vendim, edhe detyrues”.
I pyetur për nje hetim të nisur për Llallën, avokati nuk ka dhënë asnjë detaj. “Nuk kam informacion ligjor, në këto kushte sa kohë nuk kam marrë informacionin e duhur, risqaroj që e drejta proceduriale i imponon organit të më informojë kur është i regjistruar me emër procesi apo procedimi, nuk kam informacion të tillë”- tha ai.
