Ish-kryeministri Sali Berisha ka mohuar akuzat e ngritura nga SPAK ndaj tij dhe dhëndrit Jamarbër Malltezi për privatizimin e ish-kompleksit sportiv “Partizani”.
Berisha tha në emisionin “Opinion”, se dhëndri i tij, si një nga trashëgimtarët e asaj prone, thotë se kur u krye investimi dhe ndërtimi i pallateve, Jamarbër Malltezi hyri në biznes jo vetëm me 113 metra katrorë si përfitues, por me 1250 m2 pasi kishte blerë edhe toka të tjera në të njëjtin vend nga kushërinjtë e tij përfitues.
Më pas, sipas Berishës, kanë shitur apartamente në gropë me çmim më të ulët. Ish-Kryeministri tha se në SPAK janë të gjitha kontratat për shitjen e apartamenteve në gropë.
“Abi Malltezi ka përfituar nga privatizimi 113 m2. Ka blerë nga kushërinjtë e vetë dhe ka arritur 1250 metra katrorë. Fatmir Bektashi, ndërtues prej shumë vitesh, edhe ai është edhe pronar.
Abi Malltezi është futur me 1250 m2, ka vendosur 60 mijë Euro, siç e thotë vetë Fatmir Bektashi, 3 ortakët ranë dakord që të shesin në gropë. Ata kanë shitur me 650, 730 Euro, në një kohë kur 100 metra më tutje sishiten 960 Euro metri.
Në dosjen e SPAK-ut janë 500 kontrata që dëshmojë shitjen në gropë. Janë të gjitha faturat pagesave bankare të atyre që kanë blerë apartamente në themel. SPAK-u e ka fshehur këtë. Pse e fshehu SPAK? Vetëm për të nxjerrë Jamabër Malltezin për të mashtruar publikun. Në qoftë se ti thua se ky hyri me 100 metra dhe doli me 5 milionë bën një mashtirm monstruoz. Se ky nuk hyri me 100 metra por me 1250 metra. Ja u bleu kushërinjve.
SPAK-u e di që nuk qëndrojnë, sepse janë të gjitha faturat bankare, e gjithë planimetria që ky ka blerë parcelat. SPAK ka mbi 500 fatura”, deklaroi Sali Berisha.
