Një ish-infermier gjerman, i cili po vuan dënimin e përjetshëm për vrasjen e dy pacientëve të tij, është i dyshuar edhe për vrasjen e 200 pacientëve të tjerë.
Bëhet fjalë për ish-infermierin 39-vjeçar nga Gjermania, Niels H, i cili pas dënimit ka pranuar se ka vrarë dhe 30 pacientë të tjerë, duke injektuar ilaç zemre me doza të mëdha.
Megjithatë, një vendim i gjykatës për zhvarrosjen e 99 pacientëve të Niels H, solli dhe zbulimin e pranisë së ilaçit të zemrës në 30 pacientë të vdekur.
Vrasjet e dy ish-pacientëve janë konfirmuar që janë kryer në mes të vitit 2003 dhe 2005. Ndërkohe policia ka thënë se ata ishin duke hetuar për 200 pacientë te tjerë të vdekur.
Një zëdhënës i policisë, sipas BBC ka thënë :“Ne mendojmë se numri aktual i vdekjeve është shumë i lartë. E kemi shumë të vështirë pasi vetë i burgosuri nuk mban mend se sa pacientëve i ka injektuar ilaçin me doza të mëdha“.
Nëse Niels H, shpallet fajtor për të gjitha vdekjet e pacientëve, ai padyshim do të jetë vrasësi serial më numrin më të madh të viktimave, i pasluftës në Gjermani.
