Zbardhja e detajeve në lidhje me pronësinë që ka Emiljano Shullazi mbi hotel “Vollgën” në Durrës kanë çuar në surpriza.
Burime nga prokuroria kanë bërë të ditur se në këto hetime ka dalë edhe emri i një ish-deputeti socialist nga Veriu, i cili duket se është personi që i ka dhuruar Shullazit hoteli?
Emri i tij ka dalë jo në mënyrë të drejtpërdrejtë, por mësohet se personat që janë në bashkëpronësi me Shullazin, me mbiemrin Kodra janë përfaqësues të ish-deputetit socialist?
Në nëntor 2014, “Suadi Brother’s Commercial Company”, i ka shitur një pjesë të pasurisë për shumën 670 mijë eurove shtetasve Fejzi dhe Marjeta Kodra. Këta dy shtetas, për të cilët ka dyshime mbi mundësitë e tyre financiare për shpenzimin e një shume të tillë, vendosin që një muaj pas blerjes ta dhurojnë pronën e tyre.
Familjarët Kodra, ashtu si edhe “Suadi Brother’s Commercial Company”, në dhjetor 2014, nënshkruajnë kontratën e dhurimit, në bazë të të cilës të gjithë të drejtat pronësore të tyre, ia japin pa asnjë shpërblim Emiljano Shullazit./Syri.net
