Ish-deputeti i Partisë Socialiste, Jurgis Çyrbja do të merret ditën e sotme në pyetje nga ana e Prokurorisë së Posaçme.
Ish-deputeti ka mbërritur në dyert e SPAK nën shoqërinë e avokatit.
Çyrbja do të duhet të japë shpjegime sa i takon veprës penale të “korrupsionit në zgjedhje”, “tregimit të sekretit shtetëror” dhe “përkrahje të autorit të krimit”.
Ai akuzohet për përfshirjen në korrupsion zgjedhor pasi duke përkrahur dhe dhënë informacion Altin Hajrit, një të shumë kërkuari për rrëmbimin dhe vrasjen e Jan Prengës në Kamzë, ka përfituar prej tij vota në zgjedhjet e 2021.
