Komediani Julian Deda, nuk mund të mos bënte një status për fjalimin mbresëlenës të kryetares së FRESSH, Joleza Koka. Ja çfarë shkruan ai në një status në Facebook, ndonëse ndodhet në Amerikë:
“Nuk e kuptoj pse i jeni vërsulur të gjithë me statuse dhe jo vetëm, asaj çupës së FRESSH..?!? Çfarë populli jeni more aman? Çfarë tha ajo, që të meritojë këtë ortek fjalësh dhe talljesh? Le ta riformulojmë situatën. Ajo ishte pak e pirë, e çfarë pasaj? Ajo tha se fjeti diku dhe u zgjua diku tjetër, edhe çfarë pastaj? Ajo çuditi edhe ministrin me ato që tha, duke na vërtetuar se edhe mund të jenë fjalë dhe situata që askush nuk ka dëgjuar të flitet për to ose në gjuhë popullore rrena. Pra ajo gënjen, e ku qëndron problemi këtu? Pse, vetëm për kaq duhet shenjëstruar një çupë, që duke qenë e komanduar ndoshta i lind si nevojë për të bërë këtë performancën alla Erion, medemek si vajzë e lirshme. U çuditët ju? Po ajo është logjika, me të cilën funksionon i gjithë sistemi i burimeve njerëzore në atë organizatë, nën moton “ha, pi, fli dhe boj qef. Osht i sham ai që punon”.
P.s. Kur pashë fytyrën e Tahirit, po mendoja që, kush e di sa herë e ka bërë atë fytyrë në mbledhjet e PS kur fliste Eri…!?!”, shkruan Jul Deda.
