Pas eventit të rëndësishëm të Oscar-it, Cooper dhe Shayk i janë kthyer përditshmërisë së tyre. Aktori 44-vjeçar, Bradley Cooper dhe modelja 33-vjeçare Irina Shayk u fotografuan në Los Angeles dhe “People” raporton se gjendje tyre emocionale ishte shumë ndryshe nga ajo e tapetit të kuq.
Edhe pse është e natyrshme që çifti të dukej i rraskapitur pas festimeve, asnjërit prej tyre nuk i qeshte buza në asnjë moment. Me shumë gjasa kjo ka të bëjë me kiminë e jashtëzakonshme që Lady Gaga dhe aktori shfaqën në ceremoninë e ndarjes së çmimeve më të rëndësishme kinematografike. Dyshja performoi këngën “Shallow”, me të cilën arritën të fitonin edhe çmimin “Kënga më e mirë origjinale”. Por veç performancës së tyre, dyshja vazhdoi të tregonte afrimitet edhe në festën pas Oscar-it, ndërsa Irina u dallua e ulur pranë tyre, shumicën e kohës e heshtur.
Burime pranë “People” raportojnë se modelja nuk po i përjeton aspak mirë lajmet për një lidhje të mundshme dashurie mes Gagës dhe partnerit të saj.
Perfomanca e Cooper dhe Gagës në “Oscar” ishte pjesa më e komentuar e ceremonisë dhe një ndër lajmet më të bujshme që ajo prodhoi. Video e tyre është parë miliona herë, dhe mbetet një nga videot më të ripostuara në rrjete sociale ndërsa interneti po zien mes komenteve të shumta. Kujtojmë se Gaga shfaqej për herë të parë në tapetin e kuq pas ndarjes nga i fejuari i saj Christian Carino./E.M
