Muxhahedinët kanë nxjerrë nga kampi i tyre forcat e policisë dhe gazetarët.
Qindra iranianë që ndodhen në kampin e Manzës, të cilët dolën këtë të martë në protestë në kundërshtim të kontrolleve të policisë të zhvilluara me urdhër të Gjykatës së Posaçme kanë nxjerrë jashtë kampit efektivët e Policisë së Shtetit, që ndodheshin në ambientet e vendstrehimit të tyre.
Të gjithë bashkë kanë nxjerrë jashtë policët, e më pas i kanë mbyllur derën.
Kontrollet e policisë çuan në përplasje të ashpra mes policisë dhe anëtarëve të opozitës iraniane.
Anëtarët e kampit kanë bërë rezistencë kur mësuan se policia do të zhvillonte kontrolle në këtë qendër, në kuadër të një aksioni kundër sulmeve kibernetike.
