Forca detare e Gardës Revolucionare ka zbuluar një bazë detare nëntokësore “në ujërat e Iranit jugor”, sipas imazheve të transmetuara nga televizioni shtetëror iranian që tregojnë dhjetëra varka të vogla të pajisura me mitralozë dhe raketa të parkuara në galeritë nëntokësore. Pamjet publikohen dy ditë përpara inaugurimit të presidentit të ri amerikan Donald Trump
Baza ku janë stacionuar varkat sulmuese me raketahedhës është në një thellësi prej 500 metrash në ujërat e Iranit jugor”, raportoi TV iranian.
Gjenerali Hossein Salami, komandanti i Gardës Revolucionare dhe gjenerali Alireza Tangsiri, komandant i forcave detare të Gardës, vizituan bazën, sipas pamjeve të publikuara.
Televizioni shtetëror sqaroi se “disa nga këto anije” kanë aftësinë për të goditur anijet dhe shkatërruesit amerikanë.
Më 10 janar, gjenerali Salami inspektoi një bazë raketore nëntokësore që mediat iraniane raportuan se ishte përdorur në sulmin me 200 raketa kundër Izraelit, i cili përfshinte për herë të parë raketa hipersonike.
⚠️ Iran’s Big Surprise ⚠️
🇮🇷 | Iran Unveils Its First Underground Naval Base…
The base is 500 meters underground, making it impossible to destroy with bunker-buster bombs.
The base holds hundreds of missile-armed vessels…
Source from @eghtesadnia pic.twitter.com/IKygFEBIYB
— Iran Spectator (@IranSpec) January 18, 2025
