Forcat ushtarake të Iranit kanë kapur një tjetër cisternë të huaj nafte në Gjirin Persik, raportojnë mediat shtetërore iraniane.
Televizioni Shtetëror i cituar nga Reuters tha se forcat detare të Gardës Revolucionare kishin “sekuestruar një cisternë të huaj në Gjirin Persik që po kontrabandonte karburant për disa vende arabe”.
Thuhet se cisterna mbante 700,000 litra karburant, dhe gjithashtu raportohet se shtatë marinarë janë arrestuar.
Incidenti i raportuar vjen në mes të tensionit të lartë me SHBA, pasi këto të fundit shtuan sanksionet ndaj sektorit të naftës në Iran.
Sanksionet u vendosën pas tërheqjes së njëanshme të Uashingtonit nga një marrëveshje bërthamore 2015.
Muajin e kaluar Irani kapi një cisternë me flamur britanik ‘Stena Impero’ në ngushticën e Hormuzit, duke thënë se ishte përplasur me një anije peshkimi.
SHBA gjithashtu ka fajësuar Iranin për dy sulme ndaj cisternave të naftës në Gjirin e Omanit në maj dhe qershor por këtë pretendim Teherani e ka mohuar. /Opinion.al
