Kryeministri i Irakut, Adel Abdul Mahdi ka dënuar ashpër sulmet e avionëve amerikane ndaj disa bazave të militantëve që mbështeteshin nga Irani. Mahdi deklaroi se ky sulm ndaj forcave irakiane është i papranueshëm dhe do të ketë pasoja të rrezikshme.
Kujtojmë se Shtetet e Bashkuara ndërmorën disa sulme ajrore në Irak dhe Siri kundër militantëve të mbështetur nga Irani. Kjo lëvizje erdhi si kundërpërgjigje ndaj sulmeve me raketa që i morën jetën një amerikani disa ditë më parë.
“Departameni i Mbrojtjes ndërmori disa sulme, për të mbrojtur interesat tona në Irak”, shpjegoi sekretari Mark Espere, gjatë një deklaratë për shtyp në Florida.
Si pasojë e bombardimeve amerikane në 5 objektiva të militantëve shiitë të mbështetur nga Irani raportohet të kenë humbur jetën 25 persona dhe janë plagosur 55 të tjerë.
Autoritetet amerikane bënë me dije se bazat e bombarduara, tre prej të cilave ndodheshin në perëndim të Irakut dhe dy në lindje të Sirisë fshihnin armatime për grupin e njohur me emrin Kata’ib Hezbollah./Opinion.al
