Forcat e sigurisë irakiane kanë gjetur një varr masiv në Ramadi në të cilin janë varrosur disa persona të vrarë nga ISIS.
“Deri tani kemi nxjerrë 18 trupa, në mesin e tyre edhe pesë pjesëtarë të policisë dhe vazhdojmë të punojmë edhe në nxjerrjen e trupave tjerë”, ka thënë majori i ushtrisë irakiane Tarek Abdulkarim për AFP.
“Pritet që në këtë varrezë masivë që është zbuluar dje gjenden trupat e 40 personave që janë vrarë nga ISIS”, tha majori Abdulkarim.
Sipas tij viktimat janë nga Ramadi dhe janë vrarë në maj të vitit 2015 kur xhihadistët e morën këtë qytet.
Nga zyrtarët e kësaj province konfirmohet se në varrezën e zbuluar viktimat janë të vrarë ose nga të shtënat me armë ose u është prerë koka.
