Ambasadori i Britanisë së Madhe në Shqipëri, Nicholas Abbott ka folur dhe për investimet në vendin tonë në emisionin “Opinion”.
Abbott tha se nëpërmjet investimeve britanike, synohet dhe frenimi i largimit të shqiptarëve ngë vendit. Një nga investimet madhe që përmendi ambasadori ishte dhe hekurudha Durrës-Prishtinë.
Për realizimin e këtij projekti, Abbott tha se është i nevojshëm bashkëpunimi dhe koordinimi shumë i mirë mes dy vendeve.
Pjesë nga intervista
Fevziu: Çfarë jeni duke bërë në veri të Shqipërisë?
Abbott: Jemi duke bërë…
Fevziu: Ka diçka këtu. Shumica e emigrantëve shqiptar në Mbretërinë e Bashkuar vijnë nga veriu i Shqipërisë. Po ashtu kemi shumë emigrantë në Mbretërinë e Bashkuar të cilët vijnë nga Greqia dhe nga Gjermania. Kanë qenë emigrantë për dhjetëra vite në këto shtetet dhe tanimë me dokumenta evropian janë duke punuar në Mbretërinë e Bashkuar. Nuk shkojnë direkt nga Shqipëria në Mbretërinë e Bashkuar. Mendoj se ka një ngatërrim për sa i përket numrit të emigrantëve.
Abbott: Mendoj se kjo është pjesë e një çështjeje më të madhe ku shikojmë ulje të popullsisë në Shqipëri. Po shikojmë emigrimin e shumë njerëzve. Si Mbretëri e Bashkuar mendojmë se kemi një rol dhe duhet të punojmë me qeverinë shqiptare për ti dhënë njerëzve jo vetëm shpresë për të qëndruar por po ashtu mundësi. E kam parë vetë në Kukës punën që mund të bëhet për ti dhënë të rinjve mundësi. Jemi të përfshirë në këtë punë.
Fevziu: Çfarë pune?
Abbott: Ofrojmë bursa universitare, mundësi punësimi, grante të vogla. Ofrojmë mundësi të cilat njerëzit mund ti ndërmarrin vetë. Nuk është se Mbretëria e Bashkuar po hap ndonjë fabrikë të madhe. Jemi duke parë se çfarë mund të bëjmë nga pikëpamja e investimeve. Çfarë mund të bëjmë për shembull për sa i përket hekurudhës Durrës-Prishtinë e cila konsiderohet si një projekt infrastrukturor, politik shumë i madh i cili mund të zhvillohet.
Fevziu: Mendoj se ky është një prej projekteve më të mëdhaja që ne mund të kemi. Mendoni është mund të kthehet në realitet?
Abbott: Mendoj…
Fevziu: Apo është thjesht një fantazi?
Abbott: Ashtu siç folëm edhe më parë, tanimë ekziston një rrugë që lidh Tiranën dhe Prishtinën që do të thotë se mund të udhëtosh shumë shpejt nga njeri qytet në tjetrin. Kështu që nuk do të them se ky projekti i hekurudhës është një fantazi. Nuk ka për të qenë e lehtë por është diçka e bëshme.
Fevziu: Sepse është shumë e kushtueshme…
Abbott: Është e kushtueshme dhe është një projekt shumë i madh politik. Kërkon dëshirën dhe vullnetin e të dyja shteteve në mënyrë që të realizohet. Në njëjtën kohë ama, ky është një rajon i cili ka nevojë të menduarin në këtë mënyrë, ka nevojë projekte të tilla, ka nevojë që të dyja palët të mblidhen e të thonë: Po, ne duam ta bëjmë këtë gjë sepse ka për të pasur përfitime për të dyja palët. Mendoj se kjo është diçka e cila duhet mbështetur nga Mbretëria e Bashkuar.
Fevziu: Patjetër. Dhe do të jetë një çështja e madhe sepse shqiptarët e Kosovës duan një rrugë drejt detit ndërkohë që Shqipëria ka nevojë për një rrugë që ta çoj brenda kontinentit.
Abbott: Patjetër.
Fevziu: Patjetër. Është shumë e rëndësishme për. Jo vetëm Kosova por edhe Maqedonia. Lidhja midis vendeve të Ballkanit ka qenë gjithmonë një problem i madh dhe mendoj se…
Abbott: Kërkon një zgjidhje të madhe.
Fevziu: Po, pa diskutim. Do të jetë një zgjidhje e madhe sepse kemi qenë gjithmonë të izoluar. Të izoluar nga politika, të izoluar nga gjeografia dhe malet. Gjithmonë ka qenë e vështirë lidhja midis vendeve të Ballkanit. Cilat janë investimet britanike në Shqipëri? Sa i madh është portofoli i investimeve britanike?
Abbott: Nuk mund t’ju jap një shifër për investimet. E kam një numër për tregtinë. Tani për tani tregtia midis dy vendeve arrin një shifër prej rreth 330 milion paund britanik. Kjo nuk është një shifër e madhe. Në fakt kjo është një shifër e vogël brenda ekonomisë shqiptare në tërësi…
Fevziu: Sidomos kur merret në konsideratë edhe potenciali i industrisë britanike…
Abbott: Po, mendoj se ka mundësi. Kjo është situata e tanishme dhe nga këtu duhet bërë krahasimi. Dua ta shikoj këtë shifër të rritet. Mendoj që është e mundur që të arrihet diçka e tillë. I tërë Ballkani Perëndimor përbën një mundësi për Mbretërinë e Bashkuar për sa i përket tregtisë. Pjesë e kësaj varet nga turizmi. Mendoj se turizmi ndryshon perceptimin duke të bërë të mendosh që ky është një vend me të cilin mund të merresh me biznes, gjërat mund të kenë sukses. Shpresoj që gjatë kohës që do të qëndroj këtu do të kemi mundësinë që ta përmirësojmë këtë shifër.
