Kryeministrja e Italisë, Giorgia Meloni në daljen e fundit publike, sulmoi televizionin Rai3 dhe emisionin “Report”, ndërkohë që mbrojti kryeministrin, Edi Rama dhe kërkoi mbështetje për të.
Anëtarët e Partisë Demokratike në Itali, janë solidarizuar me redaksinë e emisionit “Report” pas akuzave nga kryeministrja e vendit, të cilat sipas tyre janë të padrejta.
“Solidaritet me të gjithë redaksinë e Report-it të akuzuar padrejtësisht nga kryeministrja për linçim. Për Melonin, çdo thashethem jashtë propagandës së Palazzo Chigi është një sulm ndaj lidershipit të tij. Në vend që t’u shpjegojë italianëve humbjen e madhe të fondeve për marrëveshjen Itali – Shqipëri sulmon transmetuesin publik”, thuhet në një deklaratë të anëtarëve të PD-së.
Mbi ngjarjen ka reaguar edhe deputeti i Aleancës së Gjelbër dhe të Majtë ,Angelo Bonelli,.
“Meloni si Apate, perëndesha e mashtrimit. Ajo që tha sot nga Pescara është një asgjë absolute, ajo flet për diçka që nuk ekziston. Kryeministrja kërkon të manipulojë realitetin duke sulmuar edhe gazetarinë investigative, si në rastin e Report dhe solidarizohet me kryeministrin Rama pa dhënë përgjigje për Demokracinë e mjerë dhe Italinë e mjerë që po qeveriset nga ata që e shohin botën me perde”, shkroi ai.
