Investigim/ Ja si NATO ndiqte nëndetëset ruse në Shqipërinë komuniste

NATO ka deklasifikuar disa raporte të inteligjencës së saj në lidhje me Shqipërinë komuniste.  Materiali i siguruar nga Opinion.al, tregon sesi  Përfaqësuesi i  Grupit të Përhershëm percjell nje informacion te Inteligjences  Delegacioneve te vendeve te NATO: “Në vijim është një ekstrakt nga një  Raportit Përmbledhës i vitit 1958 i Inteligjencës së komandës supreme aleate “SHAPE-s”,  dhe është sjellë për informimin  tuaj:  Në paragrafin e parë të dokumentit të shërbimit inteligjent të NATO-s shkruhet se, “Një skuadron Sovjetik i klasit të anijeve transportuese 1 ATREK (me flamurin e një zyrtari të lartë të  imbarkuar) dhe katër nëndetëse të klasit-Ë ka dalë nga Baltiku, duke hyrë në Mesdhe dhe është tani qartësisht në rrugën e saj drejt Shqipërisë. Kur u raportua së fundi, herët në mëngjesin e 31 gushtit, ajo ishte 30 n.m. në jug të Otrantos, duke e ecur në Veri-Lindje me 10 nyje”.  Ndërsa në paragrafin e dytë: “Një grup ndihmës sovjetik (një rimorkiator, një vinç lundrues, një anije kabull-hedhëse, dy cisterna) ka  dalë nga Baltiku dhe tani po lundron nëpër Mesdhe. Kur u raportua së fundi, në pasditen e 27 gushtit, ai ishte 30 n.m. lindje të Gjibraltarit, duke lëvizur drejt Lindjes. Një anije ushtarake transporti sovjetike dhe një rimorkiator kanë dalë nga Deti i Zi dhe tashmë raportohet që të jenë në Gjirin e Vlorës. Ata duhet të kthehen në Detin e Zi më 9-10 shtator”. Dhe ja si vlerëson komanda e NATO-s këto informacione: “Ky duket  të jetë një moment i përshtatshëm  për BRSS, për të vënë nën presion  si Jugosllavinë edhe Perëndimin,  ndoshta nëpërmjet vend-bazimit, të  përkohshëm, të disa nëndetëseve në Shqipëri. Mënyra e hapur dhe mbi- bord, sipas së cilës është bërë kjo  lëvizje, vihet re për sa u tha në këtë  drejtim. Kjo është hera e parë që na  ka ardhur në dorë një informacion  i besueshëm i qëndrimit të nëndetëseve sovjetike në Shqipëri. Lëvizjet  e transportueseve ushtarake dhe rimorkiatorit mund të jenë të lidhura  me mbështetjen logjistike të këtyre  nëndetëseve. Gjithashtu, mendohet  të jetë e mundur, edhe pse nuk ka ende informacion në dispozicion për  ta mbështetur këtë gjë, se lëvizja e grupit të ndihmësve sovjetikë mund  të jetë i lidhur me logjistikën për këto nëndetëse. ( Nënshkruar ) Coleridge”.