Xhevahir Deda është një banor i Babrrusë, por që nuk gëzon kushte shumë të mira shëndetësore.
Deda ndodhet në karrocë invaliditeti, por rruga pranë banesës së tij është shumë e keqe përsa i përket infrastrukturës.
Ai i është drejtuar redaksisë së Ora News për të bërë publike kërkesën e tij për Bashkinë Kamëz për shtrimin e 150 metrave rrugë, e cila i vështirëson lëvizjen dhe i dëmton karrocën.
“Unë jam një invalid para dhe tetraplegjik. Unë kam një hall shumë të madh. Kam një rrugë 150 metra vetëm gurë e granit. Unë jam me karrocë, kam këputur 4 karroca deri tani. I kam shkruar zotit Xhelal Mziut kryetari i bashkisë së Kamzës, por ai më ka ofenduar. Ju lutem me ndihmoni… Me respekt Xhevair Deda Babrru”, ka qenë ky denoncimi i tij.
