Bernard Kouchner është një politikan francez, në të shkuarën ka qenë ministër shëndetësie dhe ministër i punëve të jashtme. Në vitet 1999-2000, Kouchner, ka pasur postin e kryeadministratorit të Kosovës. Mbrëmjen e sotme, vjen në një intervistë ekskluzive për emisionin ‘Opinion’ në TV Klan.
Ishte viti 1988 kur Kouchner ka vizituar për herë të parë Shqipërinë. Vendi udhëhiqej nga Ramiz Alia dhe situata në atë kohë ishte mbytëse. Sipas tij, komunizimi ende mbizotëronte, si dhe ekzistone një atmosferë mbytëse dhe mosbesuese gjithandej. Ai tregon se u prit nga Lidhja e Shkrimtarëve që drejtohej nga Ismail Kadare dhe ishte një seancë sovjetike. “Ishte një mbledhje shtypëse”, tregon Kouchner.
Ndërkaq, detajet rreth Shqipërisë së asaj kohe, vijnë në mendjen e tij disi çuditshëm:
“Në atë kohë pamë edhe disa xhami që kishin mbetur, kishte fare pak të tilla. Misioni ynë konsistonte në rivendosjen e marrëdhënieve me Shqipërinë. Vendi ishte shumë i bukur. Njerëzit ishin shumë mosbesues. Nuk patëm shumë kontakte me shqiptarët, të cilët kishin frikë të flisnin. Këto mbaj mend, por gjithashtu edhe që zbulova një vend shumë… një vend plot me kulturë dhe histori. Ndonjëherë histori të këqija, pastaj më atë epokë shikoje në çdo fushë bunkerë dhe kjo ishte vërtet e frikshme. Ne e njihnim politikën dhe Shqipëria ishte fortesa e fundit e stalinizmit”.
Kouchner tregon se kishte grupime franko-shqiptare, veçanërisht në mjekësi, ai ishte një mjek. Pikërisht këto kujtime i kanë lënë mbresa nga ai udhëtim i çuditshëm, pothuajse tre dekada më parë.
“Kishte njerëz që mendonin se regjimi i Enver Hoxhës ishte i mirë. Mendonin se ishte i mbijetuari i fundit i ideologjive të mëdha që kishte çliruar botën. Në fakt, janë gabuar shumë. Unë prej kohësh isha distancuar nga marksizmi. Vendi kishte qenë marksist prej shumë kohësh dhe terrori e kishte shënjuar atë. Kjo na ngeli në mendje”.
Shiko videon:
