Enkelejd Alibeaj i është drejtuar me disa pyetje ministrit të Drejtësisë Ulsi Manja, lidhur me amnistinë penalë.
Nga foltorja e Kuvendit, ai tha se kjo amnisti bëri që nga burgu të dalin zyrtarët e korruptuar, dhe të mbeten në qeli protestuesit.
“Në katër prill natën 110 deputetët bashkuan votat për të nxjerrë të korruptuarit nga burgu, dhe për të lënë në burg protestuesit. Kush i propozoi këto amendamente? Cilat kanë qenë arsyet që janë miratuar këto amendamente? A u konsultuan me institucionet e drejtësisë? A është marrë informacion nga SPAK për numrin e atyre që do përfitonin nga këto amendamente?
Arsyet e vërteta të miratimit natën, janë arsyeja politike. Njollat më të errëta të veprimtarisë së Parlamentit. Po të pres Ulsi, meqë ke qenë gjithë natën duke studiuar, po të pres të japësh shpjegime”, u shpreh Alibeaj.
