Nuk ka paqe në shtëpinë e Interit. Mauro Icardi dhe tekat e tij e kanë vënë në vështirësi serioze një nga ekipet më të titulluara të Italisë.
“Corriere Dello Sport” raporton se sulmuesi mund të ketë mbyllur sezonin me ekipin milanez.
Klubi pretendon se Mauro Ikardi ka mashtruar me dëmtimin dhe për këtë i hoqi edhe shiritin e kapitenit.
Ndërsa argjentinasi duket se do të marrë një vendim drastik, duke mos pranuar të luajë.
Ikardi pretendon se ka nevojë për ndërhyrje kirurgjikale në gju.
Argjentinasi nuk kërkon të rrezikojë shëndetin dhe ka kërkuar nga mjekët e ekipit që të bëhet rivlerësimi i shëndetit të tij.
Nëse ndodh të operohet, koha e rikuperimit të Ikardit mund të zgjasë deri në 2 muaj që do të thotë se do të rikthehet në fushë sezonin e ardhshëm.
E gjithë kjo histori dëmtimi është e mbushur me hije dyshimi, por pritet të mësohet se kush ka të drejtë në këtë mes: Ikardi apo klubi/ Dl/ Opinion.al
